برد الشتاء ما فاد فيه الكوت
و ما فاد فيه الضوء .. ووقّاده
و الليل ؟ يدني .. و الفكر ؟ مكبوت
و مشاعري ؟ ماهيب منقّاده
واللي يدفيني ؟ حنان الصوت
لبيييييييه يا صوته و ميعاده
ياللي عمامك يلبسون ابشوت
وش فيك غايب ؟ ماهي العاده
تعال و اجعل خاطري بيروت
وشجاع مرباعك مع ّ افواده
يا اقسى من الصولات في جالوت
و يا اسطورة ٍ توجد ابطرواده
و يا انعم من الديباج و الياقوت
و يا هيبة الرتبه على القاده
و المعجزه ؟ خلط الجمر و التوت
في شفّته و الناس حسّاده
و أكله ؟ نباتي .. و الحلا .. بسكوت
دلوع ... مير الناس نقّاده
و عطره ؟ خصوصي وسط كبد الحوت
عنبر ( ملوك الارض ) و اقناده
صباحه ؟ من الجوري المكتوت
و ليله ؟ شبيه القهوه السّاده
يلا ّ .. معاي .. و رددو بالصوت
يا حضرة السادات و الساده
يا حلو / يا دلوع / يا فروت
يا كيوت / يا استايل / على العاده
تعال .. و اقرب .. دفني بالصوت
لبييييييييه يا صوتك و ميعاده