لاشفت ناس باللقا يمدحونك .. اعرف ترى هرج القفا مآ يسليك
من يمدحك قدام عينك يخونك .. ومن يمدحك بقفاك بالقلب شاريك
احرص ع اللي ضآق صدره بدونك .. واترك صديق ٍ بالسعه دوم باغيك
بعض الصداقه للمصالح يبونك.. واليا اخذ المطلوب قل وش يبي فيك
عليك في ربع السعد ينفعونك .. لو واحد ٍ منهم عن الناس يغنيك
لاصحت ضايق كل ابوهم يا عونك .. ولا غبت عنهم ارسلو من يناديك
يرتاح لاشاف الفرح في عيونك .. ويضيق لا شاف الحزن في حكاويك
احدٍ على سر الصداقه يصونك .. واحد ٍ على سد الصداقه حكى فيك
ابيات رائعه ومعبره وصادقه
صح لسان الشاعر وسلمت يمناك على الاختيار
شكرا لك
|