مساء وصباح
بلون الياسمين





الله يريح هالخفوق اللي يحبك من سنه
.............. والله يريح هالعيون اللي مشت أنهارها

كل الطرق ياصاحبي إلباب قلبي ممكنه
.............. عجل قبل موت المشاعر ثم تبيح أسرارها

اللي يسافر للفلا بكرا يعوّد موطنه
.............. كنّه طيور الدوح لاصاحت تبي أوكارها

لاضاقت اجروح العباد اتشوف قلبي وتسكنه
.............. وإلا أنا دمعي همل والرّوح ضاقت دارها

قال المعالج يا بنيه لك جروحن مزمنه
.............. قلت أدري يا طب القلوب ولا تزيد أمرارها

ياللي ملك قلب الغزال ارفق عليها وئمنه
.............. ومْسح دموعه وسأله وش كثر تحرق نارها

الوقت ظالم يالغلا هد الفرح ثم كفنه
.............. كنّه يطالبني بثارن من جروح اختارها

من يامن الفرحه وهمي ما بلغني مأمنه
.............. أحرق بساتين الفرح والشّح نال اشجارها

شفت الحزن ياصاحبي مبطي وهذا ديدنه
.............. عد المحاجر له وطن وإلا عيوني شكارها !!



مما راق لي

لـــ كل من مر هنا