قصيدة عانيت

البارحه يوم امسو الناس ممسيت
من هاسً بالقلب كثر التعاجه
صعبً يزيل الهم مهما تسليت
ولا غير ربي قادراً بنفراجه
يا ما من الزلات شفت وتغاضيت
من صاحبً عقد بوجهي حجاجه
اسمع لشك اصد ما كني اوحيت
واقول كل انسان يتبع خراجه
عانيت من كثر المجامل ومليت
وشربت من بعض المجامل هماجه
حق الرفيق ارضيه لا مني اخطيت
واسايره للحق واتبع مزاجه
فأذا رفض عذري وقال انت مقديت
ثم قام يضربني بدرب العواجه
فلاني بمليوم (ن)ليامني ابليت
ليصرت اولعله ويطفي سراجه
ولاني بمليوم(ن) ليامني اقفيت
وعضوً(ن)فسد بلجسم قطعه علاجه
ابطيت اساير خطر الناس وازريت
وبعض النفوس امسايرتها سماجه
واجهت في مجرى حياتي وعانيت
شيً من الاصحاب ما ينتواجه
احاول انسى وان تذكرت ونيت
ونت سجينً ما نفعه احتجاجه
وسلامتكم