لا تنشد المحتاج .. قصيدة للشاعر مشاري بن مباركــ الضويلي

لا تنشد المحتاج وش فيـه محتـاج ** دنيا تضيـق وعنـد ربـك فرجهـا

ولا صار مانت بفازعن ليه الاحراج ** وش لك بضيقات النفوس وحرجهـا

الشمري لا عـرج الحـظ وانعـاج ** ماهمته طـول الـدروب وعرجهـا

ولا تحسب انه لا كذب كل هـراج ** يلد بالهرجـه ومـن هـو هرجهـا

يجيك مع حلو النبـأ فلـة حجـاج ** والسابقه ياحي مـن هـو سرجهـا

يشمخ ونفسه بالعطـا مثـل هـداج** يرقى المعالي ليـن يفنـي درجهـا

على الوطأ ناس .. وسمانا لها ابراج** نشـوم ماننـزل مطامـن زرجهـا

وانا كذا احتاج ...واموت محتـاج ** وضيقات نفسي عند ربـي فرجهـا