[poem=font="simplified arabic,4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

الجادل اللي يهب النود مجدوله=لافززّه من هدوءه ينتثر ثاير
ان مر مع صحصحٍ جردٍ نبت حوله=زهر الخزامى مع النوّير والناير
لبيه ياثغرها ... لبيه يالوله=لبيه ياجيدها المبروم والداير
جمالها فارقٍ عن كل مجموله=احس حتى القمر من حسنها غاير
شعلاً خذتني على غول الزمن غوله=حظّي معاها .. تقول مجفّل الذاير
كنّ الغنج يوم داعب خصرها نحوله=طفلٍ مع طفله .. تلاغـيه .. ويعاير
لا اقفت .. تنثّر عطرها تولةٍ توله=واقفي بثاره .. تقل يسحبني بواير
مبطي مع اهل المثل والعرف مقيوله=الحر من فطرته يفهم على الطاير
مانيب من للعذاب يروح برجوله=لكن بعض الهقاوي سوقها باير
عنيده .. وغيرها ماتآخذ بقوله=اعوذ بالله .. ودمها دايم ٍ فاير
الله بلاها بنفس ٍ دوم مشغوله=والله بلاني بها .. وبحبها الجاير
الدّها لا ازعلتني .. نظره زعوله=وأن لدّت بعينها نستني وش صاير
ياما حدتني على يمكن !! ومعقوله!!=وياما اتركتني على الحروه وانا حاير
اخاير النفس اقول الغبن وشوله=ماني بماشي لها واوصل وانا اخاير
وان قلت ليل المفارق ليل ياطوله=لكن .. متى ودّك الفي يمّكم زاير ؟
قالت : بفبراير اللي جاي المهبوله=يالله عرفنا رجب .. وتقول فبراير !!
[/poem]