انشغل بك عنّك ( روّق ) وش بلاك؟
لا نصحتـك لا تسـرّع ماْنتصحـت
كلّ خوفي ياعسـى عمـري فـداك
ينقطع حبل الرسن لامـن جمحـت
والله انّـي مـا سرحـت الّا معـاك
يوم تسأل ليـه لا شفتـك سرحـت؟
مـن مشـارف طلّتـك لا منتهـااك
كلّ ما جيت اجمعك كنّـي طرحـت
ماقوى قافـي علـى ثـورة حـلااك
واْلّا اْنا في بحر غيرك مـا سبحـت
ما كتبته غيـر فيـك وفـي بهـاك
لا اْفتخرت ولا هجيـت ولا مدحـت
انت عندي غيـر عـن هـذا وذاك
في موازين الغـلا عنـدي رجحـت
راس مالي يالغضـي فرحـة لقـاك
والله اني فـي غيابـك ماْسترحـت
شوفني لامن بغيـت اخفـي غـلاك
بان شوقي في عيونـي واْنفضحـت
احسب ان الشوق مثلي قـد غـزاك
وان قلبك حسّ بـي لومـا شرحـت
لا تزعّلنـي واْنـا همّـي رضـاك
ضاق صدري من سؤالك واْنجرحت
العتـب مقبـول لكـن يـا مـلاك
لا تشكّك في غلاتك لو (س م ح ت )

ملتووشه