الجـادل اللي غلاها بين حدب الضلـوع
ابطـيـت ماجاتـنـي منـهـا مراسيـلـهـا


شهريـنّ.. لا والله الا اليـوم عاشـر ربـوع
سبعيـن ليـلـه وهــذا اللـيـل تكميلـهـا


اقفت وقلبـي علـى طـول المفـارق جزوع
وشلـون تقفـي وانـا قلبـي ينـادي لـهـا


غابـت وشمـس التلاقـي مانـوت بالطلـوع
واجتاحـت القلـب غربـه موحـشٍ ليلـهـا


مـن بعدهـا فـي عيونـي تستكـن الدمـوع
ولـولا غــلا دمعـهـا بـلـت مناديلـهـا


صحيح جوع المشاعـر ماهـو ايـات جـوع
ضيـق منـه النفـوس وينتـهـي حيلـهـا


فقـدت مـن فقدهـا والبعـد عنهـا يــروع
ومـن بعدهـا شـبـت الفـرقـا قناديلـهـا


الترفه اللي لهـا فـي وسـط قلبـي فـزوع
دلـة غـلايـشـرب العـاشـق فناجيلـهـا


ان كان ترضى جموع ان كان تزعل جمـوع
مزيونـةٍ بالـحـلا تـامـرعـلـى جيلـهـا


فيهـا الحـلابالوصايـف والحـلا بالطبـوع
تحتـار فيهـا العـقـول وفــي تفاصيـهـا


في الشعرمعنى الدجى فالخد معنى السطوع
وفي العين معنى الهـلاك اللي جذبنـي لهـا


وفالطول معنى شموخٍ مايعـرف الخضـوع
وفـي البسمـه التـوت و اللؤلـؤيغنـي لهـا


وانا اعتـرف بالقناعـه بـس مانـي قنـوع
احـزن علـى فراقهـا وارجـي مواصيلـهـا