[align=center][table1="width:95%;background-color:black;border:10px double skyblue;"][cell="filter:;"][align=center]
السلام عليكم...

يانجم ياللي غبت من غبت مابنت *** وش حال بين ايام مجدك وبينك

الشمس تطلع وأسأل الصبح وين انت *** وتغيب شمس وأسأل الليل وينك

وين انت انا منهان منهان لاهنت *** منهان من شخص عجز لايهينك

ارجع متى ترجع انا انهنت وسجنت *** واللي سجني كان قبلي سجينك

مثلك ولد ولله فلا جابته بنت *** لاشك عين يمهلنك سنينك

بالسيف في شبه الجزيره تسلطنت *** اخضعتها وملكنه يدينك

ياقصر ياللي بدلوا طينك اسمنت *** أحذر تخون وتنكر اصحاب طينك

الله يخونك كان لاهل الوفا خنت *** وأوفيت للي بالجفا خاينينك

ياقصر لاتسكن وأن انضمت وسكنت *** أخفس قهر وأخفس معك ساكنينك

ياقصر مهما زينوا فيك مازنت *** زينك رحل وأن عاد لك عاد زينك


[/align][/cell][/table1][/align]