عبد الله بن نايف بن عون العتيبي

وا عبـنـي الـلــي ماتـهـنـت بـهـمـلاج

عن نومه أزعجهـا البيـان المفاجـي

امسيت في صدري من الوجد وهاج

ومـمــا دهـــا عـزمــي تـكــدر مـزاجــي

لا وا طلال اللـي عليـه القضـى راج

واقفـى عـن الدنيـا طليـق الحجاجـي

فيـه الحسايـف عقبـت فـيّ سـوهـاج

والا القضـى مالـي عليـه احتجاجـي

مرحـوم ياللـي لـك بالأمجـاد منهـاح

يالصافي الشهم السماح الهجاجـي

عسـى مقـرك يــا سـنـد كــل محـتـاج

في جيرة اللي مـن هـل النـار ناجـي

الصـبـر يــا شـمّـر مفـاتـيـح الأفـــراج

عـنـد الـفـراق الـلـي شـرابـه همـاجـي

الله يـجـبــر كـسـركــم عــقــب هــــداج

ريف الضعيف اللـي يجيـه متلاجـي

والكسر مايجبر اليا جـاء بالأمهـاج

وجـرح المنيـة مـا لقـي لــه عـلاجـي

يا ضلع اجا تدعيك ابانات وسـواج

وسلـمـى تحـثـك يمـنـهـن بـالـرواجـي

تـبـي تـواسـي بالـعـزى ذيــك الأبــراج

وتـزعــج عبـايـرهـا بــذيــك الـهـبـاجـي

ولـو سيلـت بدموعهـا ازراج الأزراج

تـعـذر الـيـا نـاحـت ســراج الـديـاجـي

ياليـت لأخـذ الـثـار بالشـيـخ مــدراج

كـان أنتخـي وأنخـى فهـود الـزراجـي

ويفاجي أهل الجلف والنور مانبـاج

جــمــع يـفـرقـهـم وهـــــم بـالـمـحـاجـي

حمعٍ يجـي لـه فوقهـم عـرك وعـلاج

لين تغدي ذيـك الصحـاري عجاجـي

تاخـذ سنـه والـذيـب فيـهـا الـيـا داج

زاده رخــــى مــــا يـلـتـفـت لـلـنـعـاجـي

يالحايلي كانك على الشيخ مخـلاج

خذنـي معـك يسنـد خلاجـك خلاجـي

لـو البكـاء نـوع مـن أنـواع الإزعــاج

ويزيـد مـن نبـش الـجـروح اللـواجـي

قـدامــنــا ســعـــدون لـلــدمــع زعـــــاج

ولا ردت الـدمـعـة عـقــاب الـعـواجــي