أصعب خبر خلى البشر ترجف إرجاف

بــكّـــى قــبـــل يـبــكــي صـديــقــه عـــــدوَّه

هــز المشـاعـر هــز وإسـتـرسـل الـقــاف

الـعـاصـفــه يـســبــق عــجــاجــه هــــــدوَّه

مــا جـــور يـــا جـمــع الطـنـايـا ونـــواف

بـالـضـيـغـمـي طــــــلال زبــــــن الــجــلــوَّه

يالله عــســى حــــد الـجـزايــر لــلإتـــلاف

يــاعـــل عـنــهــا يــاقـــف الـغــيــث نـــــوَّه

الـلِّـي غــدت فــي حــر نـجـدٍ والأطـــراف

يـــــا لــيـــت تـنــفــع لـــــو لأقـــــول لـــــوَّه

طــلال إبــن عبدالعـزيـز إبــن الأشـــراف

نـــطَّــــاح عـــســــرات الـلــيــالــي بــــقــــوَّه

عـلـيــه حــايــل دمـعــهــا ديـــــم هــتَّـــاف

وجــه الجـبـل بـعــد الـفــرح شـــان جـــوَّه

مرحـوم يـا شيـخٍ ورث مـجـد الأســلاف

مــــــن وقــتــنــا هــــــذا لـــوقـــت الــنــبـــوَّه

يـا عـز نـوره يـا تحـت سترهـا الـضـاف

يـــا نـجــم شــمَّــر فــــي ســمــاه وعــلــوَّه

شـيـخٍ بوجـهـه تجتـمـع كــل الأوصــاف

تــعــطــي ولا تـــاخـــذ آيــــــادي ســـمــــوه

لـيــثٍ يـــروم النـايـفـات مـــن الأهــــداف

رجـلـه عـلـى دوس الـخـطـر بـــه جـــروَّه

عـلـى السـلـوم الطيـبـه عـقـل وإنـصـاف

مـــــا هـــــزه الـفــكــر الــحــديــث وغـــلـــوَّه

لـــه بـالـولــع والــبــر والـشـعــر مـيـقــاف

والـطـيــر حــبـــه حُـــــبْ شــمَّـــر لــضـــوَّه

شـمَّـر بمـوتـه جرحـهـا شـلِــف ورهـــاف

طـــول الـزمــن مـــا ظـــن يـرجــى بــــروَّه

يالـمـوت بـعـده مــا بـقـى شــي يـنـعـاف

بالله ســــو الــلِّــي تــبــي الــيــوم ســـــوَّه