حلا شمر

بـــســـم الله الــرحــمــن رب الــبــريّــه

يـبــدا الـعــزا والـحــرف مـنّــي تـذمّــر

قـالــوا طـــلال وقـلــت يـــا رب حـيّــه

قـالــوا تـوفّــى قــلــت حــالــي تــدمّــر

طاح الجمر من عين نار ٍ لضيّه

والقلب من علم ٍ لفى اليوم جمّـر

تبكـي السمـا والأرض حالـه شقيّـه

غصـن الألـم فـي شجْـرة الهـم ثـمّـر

تـكـفـون يــهْــل الـخـيــر ردّو عـلـيّــه

ملـعـون ابـــو مـنـهـو علـيـنـا تـأمّــر

يــا عـزوتـي يـهْـل الطـنـا الشـمـريّـه

هـو مـات والا ماتـت اقـلـوب شـمّـر

مرحـوم ياللـي مـا مشـيـت الخطـيّـه

إن مـــت حـبــك بالمـعـالـيـق عــمّــر

تبقـى طـلال الحـب مـا دمــت حـيّـه

إن مــات حــرف الشـعْـر والا تـذمّـر