خلف بشيِّر العجلان

لا سقى الله ورق من مرهشات الخيال

وإن نقـع مـاء غديـره مـا نبـت بـه نـفـل

يالله إن الـشـجـر ســــمٍ يــســم الــحــلال

ديــرة الـغــدر راحـــت بالـشـجـاع الـبـطـل

رحـمـة الله عـلـى شـيـخ الطنـايـا طــلال

أخـــو نـــوره عـــن الـدنـيـا وعــنّــا رحــــل

شـبـل عبدالعـزيـز الـلـي وصـوفـه قــلال

مـن يشـوف الجنايـز مـن مكـانـه جـفـل

يـفـقـدونــه رجــــــال يـمـيــلــون الــعــقــال

فيـهـم الـجـرح يبـقـى جــرح مـــا يـنـدمـل

تبـكـي الشـيـخ حـايـل والجـبـل والـرمــال

والسـيـوف البـواتـر مــا تـبــي بـــه بـــدل

البـقـاء فـيــك يـــا نـــواف عـمــر الـلـيـال

راح جــــدك وعــمّــك يـالـبـنـاخـي حــمـــل

من سمعت الخبـر عبـر الوسائـل يقـال

أتـسـائـل وأقـــول الـشـيــخ لــيــه أنـقـتــل

دامــــه أكــبـــر عـــــدوٍ لـلــذهــب والــريـــال

فيـه رحمـه وجزمـه فيـه عطـف وخـجـل

يـــا بـنــات الـجـزيـره يـــا مـقــر الـجـمـال

الـــهـــدب يــالــعــذارى لا يـــمـــره كـــحـــل

مـــن تـعــذّر تـعــذّر يـــا بـنــات الـشـمـال

الــرجــاء عــــام كــامــل لا تــمــرٍّ حــفـــل

وألاّ أنـــا يـــا بلـتـنـي بـالـزمــان الـثـقــال

أتـحـلـى بـصـبـر الأرض هـــي والـجـمــل

فـاجـعـه هـــزت الـدنـيـا وسـمــر الـجـبـال

الله أكـبــر بـكــى الـمـريـخ وأبـكــى زحـــل