ضحوي الاسلمي

يا أميـر ليـت المـوت جانـي ولاجـاك

ولادريـــت بـمـوتـك الـيــوم يــــا أمــيــر

يـاأمـيـر تـبـكـي طـنــوة الـعــز فــرقــاك

وتبكـي بعـد شـمـر دمــوع ٍ بتكـريـر

ويبكي جبـل حايـل رحيلـك وممشـاك

وتصفق أجا سلمى بحزن وتحاسير

وتصرخ بحور الشعـر وينـك فقدنـاك

وين إنت يالملتاع ويـن إنـت ياطيـر

ياطيـر عـز ٍ ماخسـر مــن تنـصـاك

بكفوفـك النـومـاس وبـصـدرك الخـيـر

يـا أميـر رحــت ولابـقـى غـيـر ذكــراك

ذكــراك تـبـقـى لـــو خـذتْــك المـقـاديـر

إسـمـك هـنـا محفوروشـلـون ننـسـاك

وطيبك وفعلك نفتخر به على الغيـر

يـا أميـر جعـل الـرب يغـفـر خطـايـاك

ويقـبـل عْمـلـك ويـنْـور القـبـر تنـويـر

ويــــــارب يـامــعــبــود يالله طـلــبــنــاك

تـسْـكـنــه بـالـجـنــه بــلــيــا تـعـاســيــر

والله يـصـبــر شــمــر الــيــوم فــرقـــاك

الله يـصـبـرهــا بـفــراقــاك يـــــا امـــيـــر