الغايب اللي غاب فجأه بـلا اسبـاب
ليته درى وش صار لي في غيابـه
لو هو يحس بلهفة الـروح ماغـاب
قبل السؤال وقبـل نطـق الإجابـه
ولو يدري ان البعد والشوق غـلاب
ماراح و خلىّ قلـــب ينـزف صوابـه
من غيبته دمعي على الخـد سكـاب
والقلـب يشكـــــي لوعتـه مادرابـه
حالت ظروف الوقت من بين الأحباب
وكل ٍ شكـــى غدر الزمان وعذابـه
ولو نعرف ان الحب لوعات واتعاب
ان كان نحسب قبل نتعـب حسابـه
جينا ندف الباب طحنا علـى البـاب
ورفض وديع الحـب يفتـح لبابـه
تهنا وصار الحب شرهات وعتـاب
وامست دروبه مع بعضهـا تشابـه
ليا متى والجرح ينـزف ولا طـاب
وليا متـى هالليـــــل سهـر وكآبـه
ليل الشقا يشكي مواجيع الاصحـاب
والقلب يشكي جرحه اللـي سطابـه
وطرد السراب اللي من البعد كـذاب
فوّت على العطشان وبـل السحابـه