مرحبا واهلا هلابك يا سحايب يا سحايب
مرحبا بالمرهف اللي فاهم ماجاه منا

ياصدى صوت جميل برقة الاشعار ذايب
اجمع المعنى بشعري والمعاني طاوعنا

البدايه رحبت بك وانت طول الوقت غايب
والنهايه تضحك ايام الليالي ويفرحنا

انتثر شوق الحنين وصار منه الراس شايب
وانهصر غصن النسيم وفيه كل الشوق غنا

من يعيش العمر كله شاف بالدنيا العجايب
والليالي بشينهن وبزينهن ما علمنا

ماغريب الا غريب الدار ياسيد الحبايب
ياجميل المنطق اللي زدت كل الشعر فنا

كم غريب عاش با الدنيا وشاف من الغرايب
الليالي كل مايصفي هوانا لوعنا

تدري اني اعشق المعنى واغار من القرايب
غيرة منها العيون السود دايم يسهرنا

قالها اللي بالمعاني دايم بالعرف صايب
نازن المعنى بكف اسلوبنا ما يصعبنا