آه يازمان الحب يا كبر بحرك ..
ياكم وكم من نفس صارت غريقة ..
نمشي الليالي ما حسبنا لغدرك ..
أثر الهوى لولاك ضايع طريقه ..

ويا كثرهم في ديرتي من يغرك ..
بالمظهر اللي لو بدى لك بريقة ..
وقت السعه أحباب والكل مرك ..
وعند الشدايد صاحبك جف ريقة ..

جربت واتحديت بالعزم مرك ..
وشربت من كاس المرارة عليقة ..
وخسرت انا قدري وزودت قدرك ..
لعل .. لكن فيك منهو يعيقة ..

قدمت لك كلي بيسرك وعسرك ..
وقدمت لي كية وصارت حريقة ..
هي دمرت أرضك بقلبي وبحرك ..
أطلال صرت اليوم هذي حقيقة ..

ما عاد عندي شي يمكن يسرك ..
كل الهروج اليوم ماهي وثيقة ..
غير حياتك .. المظاهر تضرك ..
وكل ترى عنده مشاعر رقيقة ..

واذا ثبت فابشر ومقبول عذرك ..
بعاملك بالمثل وافك ضيقة ..
ولابد ماتعرف ولو طال صبرك ..
ان الشقيق الحر يذكر شقيقة ..

م/ن