[align=center]
تدري وش اللي يعجبن فيك واغليك
جرح الغرام اللي بقلبي فعلته
وتدري وش أحزاني يا حل طاريك
فرقاك وبعدك يا افتكرت وذكرته
وتدري يا بان القمر جاب طاريك
بعيني شبيهك يوم بان ونظرته
يا بانت القمرا دعتني طواريك
زولك تصور وكل ليلي سمرته
وأترجم أحزاني بالأشعار وأعانيك
على الورق غصب تجي ما جبرته
وأربط زمان ماض لي بماضيك
وأصد وأخفي دمع عيني قهرته
الله على وقت تجيني وأنا أجيك
وقت حلو ما أبتعد واعتزلته
حب يتيم مات فيني وأنا أرجيك
موته حزن في وسط قلبي قبرته
وأسأل نسانيس النسايم وأناديك
ياجت من نجد العذية سألته
وأقول يا قلبي وش حيلتي فيك
مادام حبك من اليتامى اعتبرته
أصبر ولابد الليالي تنسيك
وتجني ثمر لأيامك اللي صبرته .
مخلف الساير
[/align]
حاتم حائل