سلامٌ من الله يغشاكم

شاعر عندما اقرأ له اقول بـ.. انّ الشعر لا يزالُ بخير

لُقِّبَ بشاعرِ الجيل .. ولَقّب نفسه بشاعر الطبقه المسحوقه!




عبرتي هلّت مزون الحكي في لسآني .. !
............................................... وانبتت لك عتآبٍ من زمآنٍ : كتمته .. !


ليت غصن السكون يميل قبل يحدآني .. !
............................................. واقطف الصمت لين الجرح يخفي : عتمته .. !


كآن جهلي سكوت ؛ وكآن حلمي : امآني .. !
............................................ لين مرّ الكلآم بـ شفّتي : وابتسمته .. !


كنت فـ الليل ضآيع لين صدره : حوآني .. !
........................................... واعتبرته أبوي وكل شيٍ : لزمته .. !


واعتبرت التخلّي .. عن مكآني : مكآني .. !
.......................................... وابتديت الحقيقه .. من خيآلٍ : رسمته ..!


وكآن غيرك كريم .. وكآن قلبي : انآني .. !
......................................... وكآن حبّك : وعد صآدق غلآ ؛ والتزمته ..!


في حضورك \ اغني : وش بقى يا زمآني .؟
........................................ وفي غيآبك \ الوم الوقت لين : اتهمته .. !


وكآن عذرك ظروفك والغزل وامتنآني .. !
...................................... وبعض حكيٍ مغلّف .. واعتبرني : فهمته ..!


وانت تزرع بذور الصدّ دآخل : حنآني .. !
.................................... وابتديت بـ نهآية .. حلمي اللي : حلمته .. !


ليت صوت الحقيقه من خيآلي : دعآني .. !
................................... كآن ابنفض بقآياً لك ... بـ قلبي : حشمته ..!


يا رصيف التسلّي من بقى ما خذآآني .. ؟
.................................. وليه درب الرحيل يحول يوم : اعتزمته .. ؟


ما كفآك انّ وقتي يوم اطيعه عصآني .؟
................................ وما كفآك انّ حلمي صدّ يومي : زهمته .. ؟


لا تعآزي خذيت ولا ضميرٍ : عطآني .. !
............................... وايه خلّي ظلمني بس انا : ما ظلمته .. !


والندى فوق خدّي لو لمسته : نهآني .. !
.............................. خآيف الجرح ييبس فـ الحشى ؛ واحترمته ..!


ليت قلب المولّع مآت قبل : الأمآني .. !
............................ وقبل يحيى قصيدٍ في غرآمك : ندمته .. !


وليت عقل التوجّد قبل يذكر : نسآني ..!
........................... وليت حلق المعآتب .. مآ زعل فيه : صمته ..!


وليت الأيآم تمشي مثْل مشيْ الثوآني ..!
........................... كان ابنسى وينسى . جرحي اللي : كتمته ..!


وليت مابه قصيد ؛ وليت مابه : غوآني ..!
.......................... وليت جرحك قبل لـ ابدي المعآتب : ختمته ..!


وليت جرحك صغيرٍ ما يمّس : المحآني ..!
.......................... وليتني قبل اعيش الحب ؛ متّ وفهمته .. !



شاعر الجيل \ طلال القريني


آتمنى ترتقي لذآئقتكم