إسمحيني واغفري الزّلة دخيلك ..
قلـبـي المحروم بعدك من يحنّه ..
أضلمت دنياي وينك كيف أجيلك ..
الـقـدم هـشّـة وقـلـبـي فـيـه ونّه ..

تعرفين إني أنا ماقوى رحيلك ..
بـعـدك أتـيـتـم وقـلبي يخـيب ضنّه ..
أنا عذقٍ أثمر بعالي نخيلك ..
وإنـتِ عـزِّي مـا يـتـوه العزْ عنّه ..

مادريتي وش حصل لي في سبيلك ..
ضاع فكري .. لا أنا اللي ضعت منّه ..
صرت اهوجس ليت بعيوني أشيلك ..
بالـمـحـبـة والهــوى مافـيـه ونّه ..

أدري غطّاني أنا والله جميلك ..
وادري إن بطاعتك في الحق سنّه ..
أنا مخطي أنا يا ( أمي ) قبيلك ..
بـعـد هـذا الـيـوم ما تـلـقـيـن هنّه ..
إعذريني وإغفري الزلّه دخيلك ..
تحت أقـدامك أنا لو عشت جنّه ..
***