08-15-2011, 12:22 AM
|
#40
|
|
بيانات اضافيه [
+
]
|
|
رقم العضوية : 17741
|
|
تاريخ التسجيل : Aug 2010
|
|
أخر زيارة : 05-02-2013 (03:26 AM)
|
|
المشاركات :
11,373 [
+
] |
|
التقييم : 69
|
|
الدولهـ
|
|
الجنس ~
|
|
|
لوني المفضل : Cadetblue
|
|
[ALIGN=CENTER][TABLE1="width:96%;background-image:url('http://dc09.arabsh.com/i/03221/bo1m6z7dauul.png ');"][CELL="filter:;"][ALIGN=center]
.~ ..
فقرة فرفشة .com
عندنا 3 شغالات ثنتين مسلمات والثالثه غير مسلمه .. والظاهر المسلمات أثّرن بالثالثه .. وكنها بدت تصوم .. ومن هالحكي .. وصارو يعلمونها على الصلاة
المهم قبل أمس حدا البنات الصبح الساعه 8 جالسه بالصاله تقول يوم دريت إلا الشغاله ( الغير مسلمه ) مرّت جايه من المطبخ وشايله صحن وجبه
ورايحه لغرفتها ! تقول والحقها .. هيه هيه تعالي الدنيا صيام ! حرام تاكلين .. قالت الشغاله / لالا هذا سحور مال أنا .. كنت نايمه أباكله الحين ههههههه
هي تحسْب إنه هالأكل مادامه سحور لها تاكله بأي وقت مو مشكله يعني
عاد ياهي قمة في الكماخه هالشغاله .. ياما عصّبت بي .. انا شفت اغبياء كثير بصراحه لكن .. مثل غباءها ماشفت !
عندنا شخص مريض ماياكل الملح والدسم .. الخ .. يعني حمْيه // المهم أول ما جتنا هي قبل خمس اشهر بدت تتعلم الطبخ ,, علموها الثانيات وقلنا لها خلّك خاصه
لهالمريض ( وحنا جايبينها عشانه بالأساس ) يعني اطبخي له الرز بدون ملح ولا دسم // زين ؟؟ // قالت // اوكي ...
يوم جاء ذاك اليوم قلنا لها اطبخي له عاد شي ثاني .. وتطبخ له مكرونه
يوم كلاها المسكين ويقعد ينادي ويعصب كلها مللللح ! وصرار بعد ... ونروح نسألها / ليش حاطه ملح ؟ .. قالت هذا مو رز ! ههههههههههه
يلللللعن ابو المخ اللي براسك // هي تظن ان الرز بس ما تحط معه ملح !!! بالله عليكم ما تجنن هذي ؟ ما تهبّل بكم ! ترى زيادة الغباء تعصب بي انا
والمشكله انها اول ما جت من ديرتها .. لها خمس ايام قالت تعبانه تعبانه ونوديها المستشفى نكشف عليها .. طلَعت حامل ! هههههههههههه
الحمد لله اننا كشفنا عليها وانكتب بالتقرير تاريخ الكشف وتاريخ قدومها .. لا نبلش بها بعد !
ونرجّعها لديرتها عشان تالد .. عساها ما تقوم .. وعلى حسابنا راحت والظاهر انها سقّطت بالإتفاق مع زوجها .. وبعد شهرين جت //
المشكله ان وزارة الداخليه عندنا بالبيت ( زوجة اخوي ) تبيها .. تقول انها ماهي راعية حتسي . . وخدومه يعني حمـار شغل وانتم بكرامه !
ذاك اليوم عندي رجال وطلبت الشاهي .. يعني زقرت سمرمد ههههه  مو لازم قهوه وتمر ورسميات // والشغالات الثانيات يعرفن هالشي لكنهن مشغولات
وأوكلوا المهمه لها هههههههه ! يوم دريت وتجيب الشاهي مع التمر ! .. وانتظر القهوه ما جت !
واناديها قدامهم ههههه أبيها تعلّم / قلت / ليش جايبه التمر ؟ .. قالت كويس تمر سوى سوى شاي ! قلت / لا يا ح ههههههه
سويت سوى سوى سويت مافي كويس ! تمر مع قهوه بس // قهوه مافي يعني تمر مافي // شيليه لعنة الله على مكتبن جابتس ( استغفر الله )
وكل شوي كاليد كاليد كارد كارد ههههه تبي كرت تكلم ديرتها .. قلت ايه هذا اللي تفهمين فيه ! لاصرتي ذكيه بعطيكي جوال فاتوره مفتوح
والشغالات الثانيات مسويّات حزب ضدّها لأنهم من بلد وهي من بلد .. ماغير يكركرن عليها على بالهم يعني إنهم على مستوى هم !
بس مرّه أحرجتهم قدامها .. وقلت لها إنهم كانوا يحطّون سكّر مع البيض المقلي ! ..
أبيها تفهم وترتفع معنوياتها ههههه // لكن للاسف المعلومه ما وصْلتش هههههه
وما اصعب الوصول إليها
..~ ..
فقرة نقاش
س / قصيده او ابيات كتبتها واثرت فيك بسبب موقف مؤلم او محزن عشته شخصيا؟
للأمل في واقعي فيّ وذرى
.......... من لهيب الياس أبسْلََم واستجير
والشقا مهمـا تطاول وافترى
.......... للورق همّي وابنْزف له عبير
بارق مْزوني مع اوهامه سرى
.......... للمطر في جوّي احلام وهجير
للسهر في ليلتي ثوب الكرى
.......... والعطش بيتي على جال الغدير
والزمن في حسْبتي باع وشـرى
.......... باعني همّ وشرى طفْل ٍ صغير !
والكفيف اللي عيونه ما ترى
.......... مبْصر بقلبه ولو ماهو بصير !
لكن اللي كلّما عنّ وطرى
.......... يرْسم لْجرحي مع الحسره مصير
تكتب ظْنوني وقلبي ما قـرى
.......... أزْرع الورده غلا واقْطف شعير .. !
حكمة الله يرجع الأوّل ورى
.......... والغني من حكْمته يصبح فقير !
والسحايب لو روَت عمق الثرى
.......... ما روَى الظامي من انفاسي زفير
وا عنا نجم النهار اللي احْترى
.......... القمر نام وْترك نجمه سهير !
إن صحى حظّي أو بْحالي درى
.......... طمّنوا رمْحه ترى جرْحي بخير
..~ ..
فقرة حوار
س / الكلمــة تخون الإنســان في بعض المواقف ، عندما يحتاجها بقوة ، هل صادف شاعرنا مثل هذا الموقف ؟
اكيد .. خاصه في المواقف الكبيره .. والمفاجئه .. الحزين منها والسعيد ,,
والله من كثر ما حصلت معي هالمواقف وندمت . . أحس اني تعلمت وصرت جاهز لكل شي .. !
فقرة [ حياة / موت ] , وتوزيع كروت ..~
كرت أسود [ STOP أضطراري و مؤقت لـ من تمنحه ] ..................؟
لمن يحاول العبث في أمننا .. ومصالحنا .. ونموّنا الإقتصادي .. وكرامة العيش التي نسعى لتحقيقها .. للجميع .. للجميع !
كرت أحمر [ الأقرب لـ قلبك و تحبه لــ من تمنحه ] ................. ؟
أختي .. خاصه عقب ما سلفتني 2000 هاكاليوم
كرت أصفر [ إنذار لـ حبيب لـ من تمنحه ] .................... ؟
لكل من يعمل في الخفاء .. ضدي !
كرت أزرق [ مشتآق لك وين أنت !؟ لــ من تمنحه ] ................ ؟
صديق العمر .. أحمد ( ابو ثامر ) من يوم تزوج ما صرنا نشوفه
كرت أخضر [ عتب مُحب لــ من تمنحه ] .....................
لشخص إسمه فهد واقول .. ماكانش العشم .. لكن تبقى اخ وعزيز
..
كلمة أخيره منك ؟!
اشكرك اختي الفاضله .. فلقد اسعدتيني بهذه المقابله الممتعه والاسئله الغنيه بكل ماهو مفيد ومسلّي .. وما انسى أن أشيد بمنتدانا حتى ولو كانت شهادتي مجروحه ولكني اسجل كلماتي
فقط لكي افتخر بأني عضو في أرقى منتدى سعودي .. على الإطلاق .. وتفاعل الاعضاء وحيوية المواضيع هي التي تشهد على ذلك ,, ورقي التعامل بين الاداره والاعضاء خير دليل
على صدق كلامي .. حقيقه .. لفيت منتديات كثير .. لم أشاهد ما أعيشه الآن بهذا المنتدى !
أخيرا , كُنت ضيف عزيز وغالي
على [ جلسات رمضانية] ..
[/ALIGN][/CELL][/TABLE1][/ALIGN]
|
|
|
سبحان الله وبحمده سبحان الله العظيم
|