|
ل أخر مشــــاوير الاحلام....!
يا غايبة .. والجروح حروفً اكتبها
لـ اخر مشاوير الاحلام , وسهر عيني ..
طعونك الخضر .. ليه اقسى واعاتبها
مدامها منك .. عديها من سنيني ..!
هذا الجفا .. دمعةً لو ما رضيت بها
اخاف من كثر ما اصبر .. تنكسر فيني ..!
هذا المساء صمت يا جرح الكلام
ما همني لو يثير الاسئلة ..!
خايف من الحلم ياذاك المنام
لا يقتفيه الزمان ويقتله ..!
حزني بقايا محبين وغرام
ودمعي مشاريه وامال ووله ..!
البارحه لهفتي برد وسلام
ياللي تثير الغياب وتشعله ..!
ليه اجبرك نلتقي لحظه مدام
اجمل لقاء بين الاحباب اوله ..!
وليه اكسر الخوف من دون الظلام
ياللي عرفته ولا زلت اجهله ..!
وانقتل داخلي طفل وبكت عين
اه من قسوة العشق وجفافه ..!
ايه عنّيت حلمي للوصل لين
صار ما عاد تعنيه المسافه ..!
كل صوتً صرخ فيني من سنين
مات ما بين شرهات وحسافه ..!
لا تثير السهر رايح على وين
ايه اخاف المساء دامك تخافه ..!
|