تـحرك بجسمي شوق





تحرك بجسمـي شـوق قلبـي لخلانـه
وضاقت بي الدنيا ولا في يـدي حيلـه
***
اجامل وكـن العيـن ماهـي بشفقانـه
شوفـة حبيـبٍ مانويـنـا بتبديـلـه
***
اسولف بعد واضحك وانا الروح حزنانه
وبيّـن هنـاي وعلتـي متعـبٍ شيلـه
***
لجل عين من حبيت وصلـه وتحنانـه
يهون العذاب وروعة الحب فـي ويلـه
***
ألاياهلـي لاشفتـوا العيـن سهـرانـه
تروني اسامر طيـف خلـي واراعيلـه
***
كانه بكت والدمع حـرق لهـا اجفانـه
نظرها حبيبي يوم هـو غـاب تبكيلـه
***
تناسوا وغضوا الطرف ماجور من صانه
ولا تعذلونـي بغرامـه وكلـي لــه
***
تحرك بجسمـي شـوق قلبـي لخلانـه
وضاقت بي الدنيا ولافي يـدي حيلـه
***