اول شي
بسبوسه محشيه بالتمر




&


المقادير:
1كوب سميـد
1كوب حليب بودر
3/4 كوب سـكـــر
ربع زبدة
علبة قشطة
ملعقـة بيكنج بودر
ملعقة فانيليــــــا
تمر بدون نواة أو تمر معجون
شعيريه باكستانيه

الطريقة:
نخلط جميع المقادير ماعدا التمر والشعيريه والسميد
واذا اختلطت المقادير نضيف السميد اخر شي
ونخلطه شوي بالملعقه
بعدين نحط بالصينيه نص مقدار البسبوسه
وفوقها التمر وبعدها نصب نص الخليط الباقي
وبالفرن ولما تطلع نحط فوقها الشعيريه المحموسه مع شوي نستله
وبالعافيه



تشيز كيك بالزبادي









التشيز كيك هذا ادمان
ذليت اهلي فيه هههههه
نجي للطريقة
سهله جداً ومضمونه

الطبقة الأولــى :
1 بسكوت شاي كبير ومطحون
2/1 زبده
* تعجن مع بعض وترص في صينيه التشيز كيك
* اذا حسيتي انها مب متماسكه حطي شوي قشطه لين تضبط معك

الطبقة الثانيــه :
في الخـــلاط :
3 حبات جبن كيري
2 علبة زبادي
2 فنجال سكر ( احياناً احط فنجال ونص )
8 فناجيل حليب بودره
* تخلط في الخلاط ثم تصب على البسكوت وتدخل الفرن نص ساعه تقريباً ( انتي شيكي عليها )
الطبقه الثالثه :
تحطين اللي تبين
انا احياناً احط باي فيلينق
واحياناً اسوي جلي كرز مع مويه وشوي كريم كراميل على النار واصبهم فوقه

* في الصورة الاخيره حطيت تحت بسكوت اولكر بالشوكلاته
والطبقه اللي بالنص حطيت نص الجلي عشان يصير لونه وردي
ياشين الواحد اذا حب اكله وبدا يمطرس فيها هههههه

** انا اسوي مقدار ونص للطبقه الثانيه عشان يصير عريض
وعوافي على قلوبكم


تشيز كيك باللبنه



التصوير هنا قبيح
كنت مستعجله وكذا

هذا اخذته من طابه بالبرتسه وغيرت فيه شوي

الطبقه الأولى :
1 بسكوت شاي كبير ومطحون
2/1 زبده
* تعجن مع بعض وترص في صينيه التشيز كيك
* اذا حسيتي انها مب متماسكه حطي شوي قشطه لين تضبط معك

الطبقه الثانيه :
علبة لبنه 200 غرام
2 علبتين قشطه
2 ظرفين كريم كراميل
1 ظرف جيلاتين يذوب في 1/4 كوب ماء حار

تخلط بالخلاط لحد ماتتجانس وتثقل
ونصبها فوق البسكوت
وندخلها الثلاجه لين تبرد

الطبقه الثالثه :
بعد مانطلعها نقطع فراولة ونصفها
زي كذا


بعدين نحط هالطبقه
1 ظرف جيلي كرز او فراولة
1 م ك نشاء
1/4 ربع كوب فيمتو
1 كوب ماء

حركيهم عالنار حتى تبدا تغلي وبعدين على طول شيليهم
واتركيه شوي يفتر بس مع التحريك حتى مايجمد او يكوّن طبقه من فوق
وصبيه على الطبقه الثانيه بشويش وحطي ملعقه عشان ماتتقشع

تسلمين طابه

برب لااحد يرد