يا صاحبي شف لك إل هالحال دبره
أنا على متن السهر وأنـت نايـم
أظهرت في صوتي للأحزان نبـره
لين إرتخت منهـا قـويّ العزايـم
وخليتني بعيـون الأنـذال عبـره
لين إستلم كفّ الخطـا كـل لايـم
ذنبك كبيـر وذنـب الأيـام كبـره
وأنا من إظروف المحبيـن سايـم
وإن كان لك في جرح الأحباب خبره
أنـا تعـوّدت الخطـا منـك دايـم
الشق مـا يرفـاه سلكيـن وإبـره
والعذر ما يشفـع لـراع الظلايـم
جوفي كفن حبـك وبالقلـب قبـره
ينساك عرق وعـرق لا زال هايـم
والعين لوّ هلّـت للأحـزان عبـره
طير السعد في جـوّ الأيـام حايـم
وقلب الغلا لاعاف يا صعب جبـره
يقفي ولـو ذاق الغبـن والهزايـم
واللي نفذ من قسوة الحب صبـره
يبطي وهو يدفـع جزاهـا قسايـم