وإلا همومٍ .. وردتنـي علـى ذيـك
وإلا وروداً .. جاذبتنـي وفاحـت ’
أمشي وأسولف .. بين ذولا وذوليـك
وأضحك وأنا .. كلي جروحٍ تناحت ’
وأذكر لقانا .. وألتفتلـك وأناديـك
وأراجع أوقاتٍ .. لنا معك رآحـت ’
يومك .. من الروعه تدور غطاويـك
و اتلملم القذله .. وعينك تساحت ’
حتى ادلهمت .. وأعثرتبك خطاويـك
واستنهضت .. نفسك علينا وطاحت ’
تبغى الستر .. والحظ عيـا يغطيـك
عن عين عاشق .. بحرتبك وساحـت ’
واليا غشتني .. وأحتفتبـي قوافيـك
لميتلك .. هجسٍ بصدري تلاحـت ’
هجسٍ .. تثنت وانسجتلي حكاويـك
ياما صفتلك .. وانهجتلك وصاحت ’
ماهمها .. ليـل الشقـا والدرابيـك
كم روبعت .. في ديرتك واستراحت ’
سطرتهـا .. يـومٍ لفتنـي طواريـك
حتى .. استبانت للملأ واستضاحت ’
واليوم .. قفـت وابعدتنـي لياليـك
وجيوش ذكرك .. صادفتني ولاحت ’
واشتقتلك .. شوقٍ يغربـل معاليـك
شوقٍ .. له الورقا من الضيق ناحت ’