[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

دخول :
ذكرت كل اللي ذكرت ، ونسوني
عطيت .. لكن من يقدّر عطاياي .؟
وفيت ، وأكثرهم جفو وأخذلوني
يا دمعتي طيحي عشان أكسب رضاي .!
شذابة العرقوب / لو عذربوني
هذا دليل .. أني كبير بمزاياي
يكفيني أكبر كل يوم بعيوني
في عمري الماضي ، وفي عمري الجاي .!
أبهدي الأحلام ضحكة سنوني
يمكن ، أحقق حلم بالعمر وياي
واذا على الجرح القديم / أتركوني
بعيش عمري بين هالناس .. نسّاي .!

هاك القصيده - وجر الصوت ياحادي
صدري من العام : ضايقة ٍ محانيّه
أدوّر الطاري اللي يفرْح فوادي
وأثر الطواري على بالي طواريّـه .!
أنا بـ وادي ، وطيبة قلبي بـ وادي
مانيب محتاج منـّه غير ( حنيـّه )
الحلم ، والأمنيات ، وطبعه الهادي
والحزن ، والشعر ، والروحات ، والجيـّه
أشياء لاطل الصباح وغرّد الشادي
تموّت بعيني الذكرى وهي حيّه .!
ياوجه الأيام .. ليه اليوم متمادي .؟
ذوقنـّي المر .. والدعوى شبابيـّه
اليوم : مايشبه إلا عيد ميلادي
وأنا ما يشبهني أوّل غير ماضيـّه
لاغاب غالي علي .. أقوم وأنادي
من طيب راس ، وصفا قلب ، و حسن نيّه
أفرح / لاشفت الفرح بوجيههم بادي
وأحزن / لاشفت الملامح مو طبيعيه
والناتج .؟ أني أعيش بعيد .. وأبعادي
ماحسس أي شخص يسأل وش جرى فيـّه
أصحابي كثار ، والأعداد تزدادي
ولاهوب يصفى لي إلا 2 بـ الميه
البارحه ضاق صدري من تنهـّادي
خلاني أعطي الأمل ضيقه و نفسيـّه
اللي تركني على درب الجفا غادي
ضيّعته ، و ضيّع من يديه غاليـّه
ماحز بالخاطر , وزوّد لي سهادي
إلا الزعل والفراق بكل أساميـّه
صحيح فرقاه عندي ماهو بـ عادي
ماكنت أظنه يكون بهالأنانيـّه
أن طوّل الصمت وألا زوّد عنادي
مصير الأيام تكشف لي خوافيـّه

خروج :
ترى من يوم ماغبت عن عيني أعاني
شغلت الفكر ، والبال ماريّح دقيقه
تعال وخذني أبرك من الهجر ان خذاني
أبيك .. وما أبي هجرك اللي ما أطيقه .!
أشوف بكل ذكرى طموحات ، وأماني
الأحلام اتحقق .. وأنت أجمل طريقه .!
بقت كلمة بصدري ، وقلها يالساني :
( أحبك ) كثر ما أحس بغيابك بضيقه .!

آتمنى ترتقي لذآئقتكم

[/ALIGN][/CELL][/TABLE1][/ALIGN]