هلا والله باخوي الغالي شيخ ..


سبب التعادل // عدم وجود لاعب ماهر موهوب ينهي الهجمه .. فالمهاجمين الموجودين كلهم انصاف موهوبين للأسف ويبقى مستواهم محلي .. فيهم سريع التصرف وتسديداته قويه لكنه بطيء الحركه وأرْفل مثل ياسر .. وفيهم اكبر مضيع فرص بالعالم ناصر الشمراني .. وفيهم المهاجم اختصاصي الرأس فقط مثل هزازي .. ومثل هؤلاء المهاجمين كانوا ايام المهلل والعويران وسامي وقبلهم ماجد .. الخ الخ ... كانوا احتياط .. وتخب عليهم

ولكن وش نسوي ؟ ... الجود من الموجود .. وحتى الشي الوحيد اللي كان مفروض يطورهم هو الاحتراف منعوا منه منعا باتا .. ....... مفهوم قصدي .




من ناحية مستوى المنتخب السعودي / انا محتار هل هو ضعف في مستوى تايلند او قوة في منتخبنا .. لأن هذا المنتخب التايليندي بالشكل اللي شاهدناه حرام ان يخطف نقطه منا .. حراااام // عموما نرجع لمستوياتنا ايام زمان يوم كنا نمتلك الكره 80% دون جدوى وبالأخير مرتده ذكيه من ناس اذكياء وياخذوا الثلاث نقاط ! هذا الشي لا نريده حتى لو ملكنا الكره 99%

لكن بكون منصف واقول المستوى احسن من أول .. فيه تنظيم دفاعي لابأس به وفيه شوية شغل .. ولا نريد الحكم من مباراة واحده ..



الأبرز باللقاء / هو من صنع عدة اهداف لم يستغلها انصاف المهاجمين .. ( محمد نور ) بدون منازع

وإن كان البطيء جدا .. الفريدي امتاز بهاللقاء نوعا ما .. ولكن ما تقدر تشد به الظهر وتعتمد عليه لانه مره فوق ومره تحت مثله مثل الشلهوب وغيرهم .. !




شكرا اخي شيخ .. خليتنا نفضفض شوي


تقديري لك يا محترم //