يا مَطـول الليـل يابحـرٍ بـلا شاطـي

قلبي سفينه وبحـرك هاجـت أمواجـه

كنـك مـع قسـوة الأيـام متـواطـي

وان قلت مابه تواطي .. (بينكم حاجـه)

الشوق نـار بأقصـى ضامـري تاطـي

وحالي سجين ايترقـب لحظـة افراجـه

أعصاب قلبي لهيب .. اشفيـك متباطـي

ما ادري .. حبست الشعور بوسط ثلاجه؟

مدمن من الحـب والأشـواق متعاطـي

ماغير إبر شوفتك تقـدر علـى مْزاجـه

كلما رسمتك رحيـل ماتزهـب شناطـي

حبك رسم فوق رسمي لوحـة أسياجـه

ياهيه قلبك علـى قلبـي غـدى ساطـي

مابين لحظـه ولحظـه سنيـن أحتاجـه

لاهو خذا الحـب منـي ولاهـو بعاطـي

كنه أخذ من جـروح النفـس منهاجـه

يـا مَطـول الليـل ياهـم معـي باطـي

لا زحت بي جرح ولا هليت يا سراجـه

كاني غلطـت بحقوقـك حـدّد أغلاطـي

في ساحة الحب خـل القلـوب تتواجـه

يا أسرج خيول جرحي وأقبـل إحباطـي

أو تاخذ القلـب منـي وتبـدي علاجـه