لا تسألين: "اليوم . .
حبيبي ..وش عندك؟!"

ما عندي شي اليوم

غير إني بسّْ..

أهْواكـ

وأموت ..واحيا بكـ !

ومابي أسوّي شيّْ

غير أرتمي بْحضنكـ..

نَبْتَة وَلَـهْ تكْبر ..

في طاهر تْرابكـ

بقْعِد طوال اليوم

أغازل عْيونكـ

وأدلّل ظْنونكـ

وأخبّي بسماتكـ

نجمات ..أعلّقها..

فـ الليل باهدابِكـ!!

بكون لكْـ خلّكـ

بكون لكْـ ظلّكـ

بكون فيكـ.. كلّكـ

وبكون لكْـ أقرب..

من أقْرَب أحبابكـ!

ما عندي شي اليوم

غير إني بس أشكر

عليكـ كَرَم ربي

اللي عَطَانيَّاك

وبعد الصبر جابِكـ!!!


للمبدع /مسفر الدوسري