خلوني ابكي واذرف الدمع ياناس
الى متى والدمع بالعين محبوس
ترى عواقيب الهوى هم وتعاس
كم واحدن قفى من الحب ملحوس
اما اصارع لحظة الياس بالياس
والا اجامل والرجاء منه ميوس
وان ماحصلي ياعرب لذة الكاس
ليته حصلي من طرف كاسه البوس
ليته يقدر لحظة الود بحساس
ليت الغلا الي داخلي شي محسوس
حتى يشوف الحب ويقيسه اقياس
حتى يعذر اللي من الحب ملبوس
هذا القلم يكتب لك احروف النعاس
وده يترجم ماتقوله من الهجوس
ماترحم ابن الناس يافاتن الناس
ماتفهم رموز الغلا كود بدروس
وانا حصلي من سبايبك الافلاس
فلسة فكر ماهي دنانير وفلوس
ونبضات فلبي كنها دق الاجراس
مطوق مابين الاضلاع في قوس
بسباب من عينه بها نظرة انعاس
من شافه اصبح من الوجد محيوس