تسلم حبيبي ما حصل منك تقصير ..
انت الوفا يازين مرفوع شانك ..
من فرحتي ما عاد للجرح تأثير ..
داويتني ودواك روعة حنانك ..

أهواك أنا يازين من غير تبرير ..
كلك حلا والقلب حبك وصانك ..
أهواك يا المحبوب واشتاق واغير ..
واشيل همك عنك واسهر زمانك ..

واذا ألتقينا يا حبيبي على خير ..
والسعد يا المحبوب شرف مكانك ..
ارفق على قلبي ترى القلب بيطير ..
والقلب ما والله في يوم خانك ..

ما ردني عن بحر حبك محاذير ..
لبيت أمرك قبل ينطق لسانك ..
أفديك بعيوني ولا همني الغير ..
والله ما ارضى يا حبيبي هوانك ..


********