يازِين حُبك فيه روعة وابداع ..
خلاني في لحظات إنسان ثاني ..
روعة ولوعة للمشاعر ولذاع ..
حبك بكل اخلاص غير كياني ..
***
خلا السهر نومي وانا حيل طماع ..
أسهر معه عمري وتالي زماني ..
غض وجديد وسر ما باقي انذاع ..
يثيرني لهفة بكل المعاني ..
***
أربك حضوري شدني صرت طماع ..
مدري أنا أرويه والاّ رواني ..
عطري انا الاهات واذوب والتاع ..
من نظره من بسمه تزين مكاني ..
***
قلبي وروحي والمشاعر باجماع ..
أسعدتهم وارويت ضامي حناني ..
مجنون من قال الهوى كذب وخداع ..
ما يعرف ان الحب احلى الأماني ..
*** *** *** *** ***