اسأل الله العفو والعافيه ..

قاعــــي مخضره وسمايا صـــــافيه

واللي كانت بيديني مقطعه جتنــي يوم الله بــغاهــا وافـــيه

واللي جتني والله ماجت من فراغ تسلم عروقن براسي خـ_ـافيه

كنت احسب الحسبه وارجع من جديد اطفي المشتعله واشعل الطـافيه

لين ماشكلة هالدنيا سؤال وسقتله نفسي اجابه شـافـيه

والدليل اني حسبت الحسبه صح ماربطت المقفيه بالافــيه

يوم انا شفت اللي شفته وانصدمت يوم هبات الهوا التعافـيه

قلت دام ان التعب شرت العمر الصبر درب الليالي الدافـيه

يوم انا شفت الذياب تحوفني والعيون اللي تحرسني غـافيه

قلت دام اني هدف للاذكيا بسمتي زائد عيوني كافيـه

مااقول القاع ماضاقت علي الا ضاقت وامحت الجغرافيه

ومااقول دروب ماشيها رمل الا كانت شوك ورجلي حافيه

ومااقول اللي صدمني خاينين صدمتي كانت نفوسن وااااافيه

المهم اني كليت اللي ابي واللي ياكل فضلتي بالعـــافيه

اشكر الله من عقب هاك الجفاف قاعي مخضره وسمايا صافيه