منتديات بعد حيي - عرض مشاركة واحدة

معرض الوسام · 11-17-2011, 11:04 PM

سيف الطنايا .. منوّر بحضورك ياغالي..
شرّفتنا والله .. تحيّاتي لك
..............................
..............................

أبوخلود بخصوص ( انفاس الرحيل ) أنا قرأت لها أبيات في مدوّنتها جداً جميله وكانت تحكي عن إفتقادها لأمها وأبوها وأخوها ( رحمة الله عليهم ) عشان كذا كتبت هالأبيات لها , لإحساسي بمشاعرها وحزنها ..
وبخصوص إنها شاعرة أعتقد هالشيء وأعتقد إنها من النوع اللي ماينشر ..
ونتشرف بقراءة شعرها لو تبي تنشر هنا ..

أما عن ( ملامح حزن ) والله ماأعرفها بنت الأجواد ولا صار بيني وبينها إحتكاك لكن قرأت لها بعض الشيء ويكفي تعاملها الطيب مع الناس هنا واللي يعكس صورتها ..
أنا حاطها برأسي أبي أقرأ لها بإذن الله عن قريب كل شيء تكتبه ..

أما عن ( جود العبدالله ) , فما يحتاج أعرفها وحريص على القراءة لها دائماً وأتواجد في مدوّنتها أغلب الأحيان , بس بالوقت اللي تكون فيه مو موجودة ( يعني غير فترة الصباح ) وأتابع اللي كتبت , وهي من الناس اللي قرأت جميع ماكتبوا في مدوّناتهم من البداية .. وأحترمها كثير ..

أما بخصوص كأننا شيبان هههههه يمكن أنت شايب هههههه,
وبعدين صح تذكرت أنت في موضوع للساري شكلكم نقلتوه لقسمكم يالمشرفين لأني دوّرته وماحصلته , كنت برد عليك , ذكرت أنت بتسجيل صوتي لك ( عن إقتراح في مسابقة المدونات ) أشكرك على اللي ذكرته عنّي وتزكيتك لي , لكن يابو خلود ترى والله عمري أصغر منك

وترى عادي الرجال يفتخرون بأعمارهم وودي لو كنت أكبر بس يمكن أخذت فكره عنّي إني ثقيل بمشاركاتي أو ردودي , وهذا من طيب نيّتك ..<< تذكّرت على النيه

غير هذا ياطويل العمر وش رأيك في مسابقة المدوّنات إنها تُلغى أفضل هههههههههههه
أحس الناس هناك شابه وتكتب أي شيء

والله كان فيه مدوّنات جميلة وماينكتب فيها ألا شيء نادر ومن أعلنوا المُسابقة صار الكثير يكتب أي شيء ..
ألا على فكرة ماكأنّي شطحت عن موضوعنا شوي

مشكور أبو خلود على تواجدك معي بهالمُشاركة ومشكور على كلّ حرف كتبته فيها
ولاتروح بعيد ترى أحتاجك كثير ...
تحيّاتي لك ..