|
تطمن يانظر عيني
السلام عليكم ورحمة الله وبركاته
راقت لي
عسى لاتكون مكررهـ
تبسّم لعنبو من لامني في بسمتك وارضاك
تبسّم لعنبو من يزعلك وانته مصافي له
:::::
علشانك خضع قلبي وسلّم للهوا وأعطاك
مشاعر صادقه مني عليك القلب ياويله
:::::
ملكت الروح واحساسي بدون مناقشه وادراك
قناعه؟ أو أمر سامي ؟ ملكته مابيدي حيله !!
:::::
سريت بداخل عروقي اقول أهواك ثم أهواك
وصار القلب مملوكك وضوّى بالأمل ليله
:::::
وتدري بالغلا كله حبيبي ماقدرت أسلاك
على مشوارنا نمشي وكل الشوق لك سيله
:::::
انا ماهمني غيرك ولايطري علي أعصاك
عليك الله وأمان الله ولك قلبي وقنديله
:::::
برغم الي حصل منك وفيت وماقدرت أنساك
وصنت الحب لعيونك ولاأرضى بتبديله
:::::
أنا لولا الغلا ماقلت لك تكفى ولا ترجاك
خذلني حظي العاثر ( ويادنيا من أنتي له )
:::::
حبيبي ماحدن غيرك ولايمكن حدن يسواك
غريبه كيف قانونك يبيع الحب ويزيله !!ا
:::::
وياويلي وياويلي أذا احرمتني لاماك
ياكبر الهم في قلبي عجزت أيام لا شيله
:::::
وجاد الحظ في يوم الثلوث وساق لي ممشاك
وشفتك مقبل ٍ يمي وهذي من تساهيله
:::::
لمحت الدمع بعيونك ورجفة وجنتك واشفاك
تظنه مستحيل يعود لك حبي و تعليله
:::::
ياعمري يابعد كلي احبك لاتظن أجفاك
ولو طال الزعل منك وذقنا من غرابيله
منقولهـ بتصرف
|