[ALIGN=CENTER][TABLE1="width:95%;background-color:black;"][CELL="filter:;"][ALIGN=center]



طبتم و طآب يومكم

نص بآذخ آخترته لكم لتشآركوني الآستمتآع به

/



جارحي أجرح ترى لي عين سمحه
............... تسبر الجـارح .. ولا لدّت لجـرحه

لو يطول البعد ، قلت : يطوول بالي
............... ولو تعيد الجرح .. قلت : اعيد دمحه

وش ملـذات الهوى لولا التغاضي ؟
............... تقلب الصفحه عمد .. وتشق صفحه

الخطاوي : شوق ، والحلم : الدليلة
............... والدروب سنيييين ، والميعاد : لمحه !

فـاهم احساسك واقـول اني جهلته
............... لجل اروق بنشـوته لا طـال شرحه

عذر بعثرة الحـكي .. من جمرتينك
............... والمطر في ضحكتك .. والثلج مزحه

كَنك رشفة من بحر .. ياااااااذا البحر
............... كل مازاد العطـش ... يزداد ملحه !

لو أبي كسرّت رمحك .. بس ادري :
............... كل نداً .. ينكسر ... مع كسر رمحه !

بـ اتركك تجرح ، وانا للجرح شاري
............... من غلات الجـارح استعذبت جرحه !
من غلات الجـارح استعذبت جرحه !
من غلات الجـارح استعذبت جرحه !




آتمنى أن يرتقي لذآئقتكم

[/ALIGN][/CELL][/TABLE1][/ALIGN]