أخاف من باجر يجي يـوم / ملقـاك
وأخاف - أفقدني - عقـب مالقيتـك

ما جيت أدور زلتـك لا.../ولا خطـاك
أنا لو أنك ( ذنـب ) يمكـن خطيتـك

أجوع لوصالك - وأنا - اموت لرضاك
وأشبع أليا حنّ الخفوق../ ورضيتـك

بعطيك عمري ياعمر منهـو أعطـاك
مافيـه شـي ٍٍٍٍٍِأذخـره مـا عطيتـك

صلف الهواء ينتل خفوقي ولا (أقـواك
مـا قـواك) لـو انـي أردد قويتـك

دامك - قصيده - غصب انا جيت أبداك
ياهاجسـي كمـل مدامـي بديـتـك

رحلة وفا ما عاشها كل مـن جـاك
كثير من حولـي تعـدى../ وجيتـك

عهد ٍٍٍٍٍٍ علي أصون حبـك ولا أنسـاك
والله يأخـذنـي أذا انــي نسيـتـك

دايم أردد فـي مسامعـك ( أفـداك )
عشان بس أسمع حبيبـي ( فديتـك )