[align=center]

اقتباس: اول شيء رجاء" لااحد يجي مدرعم ومطفي النور يقول ليش تعصبون وليش هالردود ولاتتخانقون تراني اتناقش بس وبالنهايه من المستحيل يتفق نصراوي وهلالي

هههه لا صدقيني اخواني وربعي هلاليين ودائما نتفق وغالبا مانختلف ( لامجال للتعصب)

اقتباس: لاقريته جيد جدا" هلحين ماتطرقت لآي من امكانيات الفريقين الفنيه والاداريه وغيرهم تقول نفوذ وماضي ومدري ايش وتقول مافيه مشكله

عزيزتي الحمد الله انك قريتيه وتطرقت لرد شيخ المافيا وتطرقت لامكانيات الهلال بسطر لماذا لا يختلف عليه اثنان يفهمون كوره على قوله خالد و فرق شاسع بينه وبين النصر اقولها منذ مبطي واعيدها النصر لا زال يعاني وراح يعاني الا بعد التخصيص

اقتباس: ناطرين الجمهور النصراوي يعلمنا تاريخ هلالنا وااخباره حلو اتفقنا على الروح الرياضيه كخخخخخخخخخخخخخخ

هه مدرسه جمهور الشمس بل اكاديميه والسبب الاعلام المتعجرف ولا نبخص جمهور الهلال لكن كان ردي واضح للمتعصبين ( مايقصد احد هه )

اقتباس: اوك انا ماقلت مافيه تعصب انا ضد الاعلام في كل شيء لانه اعلام للاسف حق تكبير الامور وخايس انا اقول انتوا تتكلمون عن تعصب وتنتقدون غيركم وانتم اشد منهم لاتنقد وانت تسوي الشيء ردك السابق اغلبيته عن الهلال ونفوذه وماتكلمت عن المباراه ومتعتها والامكانيات الفنيه نهائيا" الا بنص سطر ض1 هذا وش تسميه موتعصب

ياسلام عليك اتمنى منك عدم تجاهل هالنقطه بالذات اذا تمعني فيها اكيد راح تعرفي مالفرق بين الروح الرياضيه + الميول + التعصب + التطبيل + التظليل
ولا ننكر هوناك اعلام نصراوي ضئيل ولا يضاهي اعلام الهلال المسيطر معلومه اقوى اعلام في اسيا بل قد يكون الاول من وجه نظري
وبالنسبه لامكانيات الهلال مايحتاج اذكرها وسبق وعلقت عليها في كذا موضوع وذكرتها اعلاه
والنصراويين ادراء بذالك عن قناعه شخصيه لكن الديربيات لايمكن التوقعات فيها

اقتباس: لايكون بس انت مصدق اللي صار في قضية ايمانا > اجل يضرب مثال وهو مو مصدق ياشيخ اتكلم بشيء معقول القضيه ماتبينت لاصدق ولاكذب تجي تضرب بها مثال على اي اساس تحكم على قضيه مالها لا راس ولا رجل

عزيزتي لك الحق في ذالك تصدقين او لا تصدقين فالاعلام سيطر على الموضوع + اللجنه الفنيه
الي مايدخل العقل تنازل الطرف الهلالي + الاعب الاجنبي رغم تناقض في تصاريح الهلال الاعب الاجنبي او المحترف دائما يبحث عن المال فلا يمكن ان يتنازل عن حق من حقوقه وهذه من بنود العقد او الاحتراف الفيفا على العموم سبق وتكلمنا فيها ومنتديات الشبابيه وضوحوا ذالك

اقتباس: بالنسبه لآقالة البلوي اقولها لك مااعرف عنها شيء بس

هذه بحد ذاتها مشكله كما تطرقتي عليها في اول ردك من افضل رؤوساء الانديه بالكوره السعوديه بل خساره للدوري السعودي

اقتباس: الشيء اللي يخليني اتآكد منه انك حاكم على ميولك في القضيه مثالك لقضية ايمانا

لا وربي بالعكس لا اني متعصب ولا هم يحزنون بس الي يغيضيني دائما تدعون المثاليه ودائما انتم المظلومين ودائما تدعون البراءة ودائما انكم محاربون من الاعلام ودائما يعني بالعربي نادي ملاك منزل من السماء وهذا الي يثير اشمئزازي فقط

اقتباس: طيب لو عند الهلالين نفود تعتقد يوم طرد كوزمين مو مستغلين النفوذ

للتوضيح تم اهانه ولي العهد والداعم الاول لنادي الهلال بغض النظر عن الميول رمز من رموز الدوله رد اعتبار تم طرده

اقتباس: ايام رادوي والحرب الاعلاميه اللي قامت عليه والايقافات اللي صارت له تعتقد مابيستغلونها

انا من معجبين برادوي وثغرته واضحه بالهلال للامانه تم استدعائه من كوزمن والاعلام يبهر الامور كا الاعب ولي العمودي الفقري في الهلال هل تم محاربته من وجهه نظري ولي افضل من رادوي مليون مره وتم الاستغناء عنه كرادوي من اجل العقد ( تدفع اكثر العب لك )

اقتباس: ايام ياسر وهتافات الجمهور تعتقد مابيستغلون نفوذهم

انا ضد هتافات اي لاعب سواء ياسر ولا غيره والنفوذ ليس له سيطره على الجمهور
وخير مثال دورينا السعودي بدون جمهور والسبب الاداء الفني لللاعبين ككل

اقتباس: اضرب لك مثال مباراة بكرى طلب الهلال حكام اجانب (عشان اذا فاز الهلال ماتكون شماعة النصر المعتاده الحكم والحكم) بس رفضوا الاتحاد السعودي يعني لو عندنا نفوذ صار مثل مايبي الهلال والا لا : )

ههه هالنقطه تكلم عنها برنامج كوره على ماذكر خلف ملفي ( هلالي صميم )

اقتباس: انت تحكم على انه الاعلام نصه متعصب هلالي تقول نفوذ الهلال وارشيف ومدري ايش ......

عزيزتي انا لا اتكلم عن لاعبين الهلال او كيان الهلال انا اتكلم على السياسه المتخذه فقط العرف المعروف لدي الجمهور سبب التعصب كنتاكي واعوانه وتغلغلت في الانديه الاخرى اتمنى ان يتم قرار ملكي او من وزير الاعلام

اقتباس: فيه عرب اعلاميه بس من يشعلها كلكم بنفس الدائره : )

العرب اعلاميه اول مره اسمع بها ( نذل )

اقتباس: ( اهم شيء لاتفطس من الضحك من وين لنا شباب في رحله يضرب لنا امثال من الرمز الراحل )

موصي شيخ المافيا هاه ولا هاه يسدح على طول الامثال عن الرمز الراحل وكلنا راحلون ( دائما في وجه المدفع شيخ ههه )
بالنهايه اليوم مافيه نوم ياعالمي ( دائما يرددون يحلمون ونردد عالميون )
اتمنى التوفيق للعالمي رغم احساسي يقول عكس
واعتذر لملامح المتميزه الخروج عن النص
تسجيل خروج
برب


[/align]