هلا والله بالنوفي هلا وغلا

واتشرف دائما بأن اكون احد ضيوفك يالغالي ..

موضوع جميل .. كما عودتنا اخوي النوفي .. فأنت كالورده كل مافيك جميل




بسم الله نبدا //




س1 : آخر سفرة كانت لك وين ؟

آخر سفره .. هذا اللي قاهرني انها من سنه وشوي وللحين مارحت لشي
المهم انها كانت للاسكندريه مرورا بالقاهره وكنت معزوم عند ناس مصريين على مستوى ..


س2: أقصر سفرة وأطول سفرة بحياتك ؟

أقصر سفره لدبي مره رحت 48 ساعه .. ولروما إيطاليا جلست يوم ونص وكنا متجهين لهولندا وما أمدانا نشوف شي




س2: شنو أجمل مطار شفته ؟

لا تستغرب لو قلت لك مطار دبي .. فهو حاليا أجمل من مطارات كثيره باوروبا .. وهناك مطار سنغافوره يعني انا نزلت فيه عام 2000 كان من اجمل المطارات شلون الحين ؟ .. ولا انسى مطار شيفول بأمستردام .. كنك في ديره فعلا حتى كازينوهات وسينما فيه

مالت علينا وعلى مطار جده الدولي ههههههه لازم تاخذ تكسي من الصاله الداخليه للدوليه يطلع بك المطار ويلف حي المحمديه كله هههههه بخمسين ريال

لا .. مطار عرعر هههههههههههههههه يا تسبدي بس



س3: شنوالدولة اللي تحب تزورها ؟

أتمنى اروح .. سويسرا .. لأني نزلت بمطار جنيف بس بالمطار وحنا فوق بننزل تشوف الديره كنها لعبه هههه تعرف لعبات التركيب حقات الاطفال وربي مثلها .. على الجو على الطبيعه سحر سحر ... واتمنى اروح كان ونيس .. باريس .. وانبسط بالمغرب .. واضحك كثير في مصر .. وآكل كثير في اليونان ..


س4: تذكار محتفظ فيه من أي دولة وشنو اهوا ؟

والله نادر اشتري تحف وهدايا تخص دوله معينه .. ماني من هالنوع .. لكن التذكار براسي والله هههههه
ماهو تذكار واحد إلا تذاكيرن واجده .. من كل صوب .. لكن اذكر من اليونان جبت جلديات شغل يدوي كحقائب وما شابه كانت حلوه كثير لكني وزعتها وماباقي عندي منها شي



س5: نبي صورة لدولة تتمنى تزورها ؟




كان .. بالصيف .. هي ما احلم به



س6: أكلة تحب اذا زرت أي دولة تتمنى تذوقها ؟

بسطيله بالسمك .. بالمغرب // محاشي .. وسمك .. وسلطات بأثينا // البرازيل اكلهم لذيذ لكن سبايسي مره لدرجة ما تنطاق // التندوري والصالونه والبرياني في بومباي خيال //



س7: أي دولة تعجبك من قارة آسيا – أفريقيا- أوروبا- أمريكا الجنوبية- أمريكا الشمالية ؟

من آسيا // سنغافوره .. ماليزيا
أفريقيا // المغرب .. مصر
أوروبا // فرنسا .. باريس نيس كان // سويسرا // النمسا
امريكا الجنوبيه // البرازيل
امريكا الشماليه // ديرتي الهادئه سياتل .. كندا


س8: أجمل مكان شفته بسفرك ؟

كثير أماكن .. بالشرق إندونيسيا بوقور الجبل قسم تحس انك في الجنه انهار بالشوارع واشجار الوانها غريب ازرق واحمر وبنفسجي ههههه خيال والسحاب يمرّ من فوق راسك
.. وسنغافوره .. ماشفت نظافه اكثر من كذا لدرجة انك تحنّ للوساخه

وفأوروبا .. امستردام بها مناطق جميله وأثينا .. خاصه عالبحر والنوفا بارك منطقة الملاهي

وفأمريكا على الحدود مع كندا قريب من سياتل فيه مناطق خياليه .. لكن الأجواء ما تساعد

وفأفريقيا // عين دياب في كازابلانكا .. وطنجه وامتدادها شمالا حتى جبل طارق .. اسبانيا

وفآسيا قريب مننا // بيروت .. فقط منطقه جونيه والجبل بها اماكن خيال //



س9: كم مرة سافرت بحياتك ؟

كثيييييييييير والله



س10: موقف محرج صارلك في سفرك ؟

اهاااا .. والله كثير ذكرت مواقف في مدونتي او في استضافات ومابي اكرر كلامي لكن مممممممم
خل نضحك ههههه اسمع

ببومباي بالهند رحت مع اخوي عشان عمال من تسع سنين .. المهم كنت فاضي وبضحك على الهنود
معي ولد خالتي .. نطلع انا وياه بتكسي لمحل ونقول له وقف وننزل على اننا بنحاسبه .. ونوقف تكسي ثاني ونطلع فيه على طول هههههههههههههههههههههه وينزل على رجوله ينادي وحالته حاله وحنا تعال اضحك بس واللي يضحّك ان راعي التكسي ما يهمّه نقول له اسرع يسرع ماله دخل برفيقه راعي التكسي الثاني يسحب عليه ههههههههههههههههه لكن حنا احيانا نقول وقف .. وانزل اسوّي نفسي امزح او اسوّي نفسي نسيت او اصرّف بأي شكل // وازيد له شوي الاجار ويسكت

ومره ياخي لقيت غراب صغير بغرفتي ههههههههههههه يا حليله اثاري اللي ينظف القزاز من برى فتح الشباك من حقين الهاوس كيبنق .. وبلحظه دخل الغراب وما درى يوم دخلنا الغرفه إلا اللي ينافز اثاريه صغير مرره بس أكبر مافيه منقاره وقااق قاق يا كبر صوته هههههه تقول شايب .. ولا يخاف اقرب له ما يخاف الملعون .. لين فتحنا الشباك وطار ..


مره في مطار عمّان طالعين على الخطوط الأردنيه لأثينا .. المهم حنا عائله بصالة السفر ويجي مسئول الرحله أردني ويطلع العوائل اردنيين ويونانيين وغيرهم ويجي يفتح البوابه لكل الركاب حنا كنا مع أخوي واهله وبنت خالتي وانا صغير كان عمري 18 واعصّب واجي للاردني قلت ياخي ما عندك ذوق حنا عائله هنا تركّب العوائل وتخلينا .. عاد اردني وغلطت عليه يا ساتر ! ونتقابس انا وياه .. وتصير مشكله وارفع صوتي ويجي الضابط وتصير سالفه ..
عاد انا معتمد على ان السفير قريبي .. وتمْسك مع المسئول قال انت ما تطلع الرحله ويطلعون كل الركاب ويجيني واحد مسئول بالمطار قال .. تعال اعتذر منه عشان تمشي .. قلت يمين الله لو ارجع من المطار مشي ما اعتذر .. كيف غلطان عيني عينك وحنا ضيوف عليهم هنا اخوانهم العرب ويركب العوايل وحنا يخلينا بآخر شي مع باقي الركاب ؟؟

والله ويركبون كل الركاب قلت لاخوي اركبوا روحوا بس انا مو مشكله .. ويحاولون بالمسئول اخوي واللي معه قال اركبوا وراحوا .. ويجيني بيلقي محاضره بيعلمني الأدب قلت انت لو جايني في السعوديه افتح لك بيتي ياخي مو اقعد اعاند وأأخّرك عن الركوب بدون سبب !! والله كنت معصب وبرّدت وجهه // المهم قال نسمح لك يالله توكل على الله ويركبوني بباص بلحالي هههههه للطياره
واركب الطياره كني بطل قومي والناس يشوفون والبنات واو واو ههههههههههههه واللي يبي يصوّر هههههههههههه

لا عاد الكلام الاخير تراه نصب // يعني ركبت والعالم يشوفون بس وربي نظراتهم كلها اعجاب عاد كنت اطخم مرررره

<<--- ولد شيوخ وفي مقتبل العمر وش تتوقع يعني



س11: شنو يعني لك السفر وهل تحب تسافر ؟

السفر متعه وعلاج وراحه وتجديد نشاط ومعرفه وسعة صدر .. والاولين كانوا احسن منا لا زهق الواحد فيهم ركب بعيره طال عمرك ودق سلف يمين يسار .. نجد الحجاز العراق الشام .. لا جواز ولا بطيخ // الارض مفتوحه لهم .. حيث تغيير الجو مفيد لصحة الإنسان وليس مجرد ترفيه //


لالالا انا ما احب اسافر .. انا أموت بالسفر



س12: شيء لا تستغني عنه في سفرك؟

القرآن الكريم .. مهم جدا ما أنساه .. والترافيل تشيك والكريديت كارد بس اهم شي يكونون مليانين هههههه واشيل شوي كاش .. والجود من الماجود

ترافيل تشيك <<-- يؤيؤ مغبّر ههههههه

واحب آخذ ماكينة الحلاقه .. وغياراتي الجميله فيه الكاجوال وفيه الرسمي لكني اميل كثير للكاجوال حتى احذيتي وانت بكرامه .. كاجوال ..
واخذ معي شنطه صغيره احط بها الجوازات والاوراق المهمه والدريهمات والتذاكر .. وبعض السفرات آخذ اللاب لكن ما ادخل نت ابد ولكن اتسلى فيه ببعض الاماكن / وما احب العفش الكثير ..



س13: اختار عضوين ياسافرو معك ولوين بتروحون ؟

عزوز هههههه والنجم الشمالي بودّيهم المغرب ههههههههههههههههه عزوز الله يرجك والله ما اخرّبك لا تخاف



س14: نصائح تقدمها للمسافرين ؟

نصيحتي الأساسيه ان ينتبهون للنصابين فهم في كل مكان ويستقصدون السعودي بالذات .. بكل مكان من الدول العربيه لاوروبا .. لحتى دول الشرق مليانه ملي ولا تستهتر حتى بالهند واندوونيسيا وسيريلانكا

لا تعقد اي صفقه مباشره .. لا تصدق احد مهما قال لك من سوالف وعمل نفسه مو مهتم لمساعدتك //

انتبه لجوازك .. لا تطلع مع احد بسياره وانت مو واثق ميه ميه منه // سولف معه واضحك وعطه على جوّه لكن لا تسلمه نفسك ههههه ترى يبيعك بسهوله // بكل مكان مثل ماقلت

وحتى لو جوك على هيئة شركه وخرابيط لا تصدق ولا تهتم حتى لو قالوا حنا حكومه //




س15: كلمة أخيرة لقسم االسيآحهـ والـسـفر ؟

قسم حلو وربي اول مره ادخله .. وشكلي بكون من زواره الدايمين وانشاءالله لو سافرت سفرتن زينه بصور وانزلها هنا .. اذا كان معي واحدن يحب التصوير لاني من غير هواة التصوير //

لكن احب اشوف صور وأجد متعه في ذلك //





واشكرك اخي النوفي على حسن الضيافه .. واتمنى ان اكون ضيفا خفيفا عليكم جميعا //