السلام عليكم ورحمة الله وبركاته



::::::::


هالسنه غير السنين اللي سقتني همها


فيه شي في حياتي ينطرب له مسمعي


والسنين اللي تعدت ليش عاد انمها


خلها بهمومها اللي ما نثرها مدمعي


بشرتني والليالي كل خير عمها


في حضوراللي حروفه للغزل هي مطلعي


لقبلت تسحر عيوني والنظر لا ظمها


يحتويها وادري انه في نظرها مجمعي


الحواس الخمس هامت واسبقتني يمها


كل ما فيني غدتله خطوتن ما هي معي


من غلاها كن يجري في وريدي دمها


وكل قطره من بحرها زاد فيها مطمعي


لو بغيت اوصف حلاها كل زين ٍ لمها


وان سألت الزين عنها قال هاذي منبعي


قلت ياسبحان منهو بالوصايف تمها


كنها صفحة وصارت للحلا هي مرجعي








مما راق لي للشاعر


ناصر السنـاني


اتمنى ترتقي لذوقكم