.
.
.
. الهمّ ضيّق خاطري ولا جداي الا الغنا
....... حتى الغنا لك الله انه يزيد ضيقي والحزن

. واللي تعنا واجتهد يبغى الجنا وين الجنا
....... خمسة غروس اسقيتها بيدي ولكن ما أثمرن

. ما أغير اناظرها عسى تثمر وتجلب لي الهنا
....... تعبت عيوني وابطت غروسي وانا بشكي لمن ؟

. يا موطني يالموطن اللي ماعرف مجدك فنا
....... خيرك وصل اقصى البلاد العالميه والمدن

. يا موطني انا هنا انا هنا انا هنا
....... لدك لما بعد الحظن ينسيك من وسط الحظن ؟

. يا موطني ظلم علي الوقت .. وأتحرّا السنا
....... ويزيد في عمري زمن ويروح من عمري زمن

. ابغى ارضي الشيبان وارضي خاطري بشوف الظنا
....... لكن ماب اليد حيله آآآآهـ يا شين الغبن

. طقيت باب الرزق لكن ما فتح والله لنا
....... كنه يقول : السير يا فهمان لازم يندهن

. طقيت باب الرزق لكن ما فتح والله لنا
....... كنه يقول : افلح وجب لك واسطه ولا استكن

. قلت اشهد ان لي واسطه والواسطه يأبو جنا
....... حب الوطن والروح في حب الوطن تدفع ثمن

. افديه وآقف درع قدام الهنادي والقنا
....... ولو تركني فالمحن ؟ فلا تركته فالمحن

. فقير ما شفت الغنا ولاني من عيال الغنا
....... لكن اذا صاح الوطن ؟ اتسلف ريال الكفن

. أثور من دونه وانا سعودي وانا طيّب جنا
....... منهو يشكك في ولائي فالسريره والعلن

. يا موطني .. هذا عتاب أحباب .. جعل اللي شنا ؟
....... يلقى البليه والمصيبه والمهونه والوهن

. خمس اسنواتٍ عشتها عاطل ولا هو بس أنا
....... كم فيه من عاطل بوسط الوقت همّش واندفن

. نلت الشهاده والفرح برقه سبق رعد العنا
....... هذي الشهاده ياوطن وين الوظيفه يا وطن ؟؟

آآلله جَدّ كَلَمّمّمّآتَ مَنّ آلقَلَبّ لَ آلقَلَبّ

لِ شَآعَرّهّآ / سَعَيَدّ بِنّ مَآنَعّ

آتَمّمّنَىّ تَرَتَقيّ لِ أذَوَآقَكَمّ . .