ياللي تقول إن العواذل تشابه

لاماتشابه يا بعد حي هالعين

اهنا عواذل ينطحون السحابه

واهنا عواذل هرجهم مثل سكّين

ياابن الرشيد اللي فضلّك مهابه

سلّمني المعنى وأنا أصوغها زين

أفنيت عمري بالورق والكتابه

ولاجنيت إلاّ حصاد المجانين

مرّات أرّخ من سنين الصحابه

ومرّات أحكي عن جروح المحبين

ومرّات أمدح عزوتي خير لابه

ومرّات أغنّي غامضات العناوين

واليوم أشكي من فراقك عذابه

وتبكي لحالي مرفرفات الشواهين

لاواعزانا في أمير(ن) غدابه

ايدين غدر(ن) خادمة للشياطين

إليا فقدنا شاعر(ن) ينتخابه

وش السواة وللقدر ربّك يعين

شفها ديارك جنة(ن) من خرابه

أرض الشمال اللي بكت قسوة البين

ولاقلت اسمع ياطلال الإجابه

قال الإجابة نفسها ماتخبرين

ياهند ملّي من طريد السرابه

ياهند أنا واحد ترا من الملايين

قلت أدري الله يستر اللي خفابه

ولاني بقول من الحكي كود قولين

جعلك في جنة واسعة من رحابه

تسلم وتنعم ياغناة السلاطين


لَ الشاعره :
هند التويجري ..