مدخل /

إن لاح لـ الفرقى على الغيم [ بارق ]
اوعدك مآاقول لك ( كنتي و كنتي )

[ غصن هوانا ] يـ الغلا غصن وارق
و أنتي [ تحبيني ] و لا يوم خنتي !

وأنا أحبك حب .. ( طاغي و فارق )
ياللي من همومك ، لـ قلبي زبنتي !

( عيشي حياتك ) .. عادي إنّا نتفارق
ماهو على شاني .. على شانك انتي !

و ليا طرق [ بابي ] لـ الافراح .. طارق ..،
على اسمك ( اوعدك ) بـ يكون [ اسم بنتي ! ]

**

. نسمة الفجر صدري كان جداً رحيب
بس جيتي .. وذكرتيني ب همسها ! .
. يوم كنت أحسب إن الجرح هذا عطيب
لهفتي ، لا خذاها الوقت في درسها .
. كيف ، بالي : يواصلها ومعها يغيب
سالفة اني أنساها يقول : ( انسها ) .
. هقوة الحب ، ما خلّت زماني يجيب
( وردةٍ ) بشرتني خير ، في غرسها .
. شفت نفسي بعدها من حزين لصويب
وهيّ شافت على كل النساء .. نفسها .
. من مشت انتظرت الشمس عقب المغيب
واثر ، حتى هذيك الشمس هي شمسها .
. من غلاها حسبت اني ل بكره حبيب
وراح بكره ، وخلاني معَ : أمسها .
. ومن عظيم انكساري يوم جاها نصيب
[ حزّة العرس ، عيّت تكشخ ب عرسها ] .



**

مخرج /

مبروك ما جالك .. بـ هالليله
والله يخلي .. هالطفل ، مبروك

اذا كبّر بالعمر .. قولي له :
المفترض .. هذا النحيل ، ابوك

موجعه حد آلألم
آتمنى ترتقي لذآئقتكم