قالوا هلي لك خمسة ايام زعلان
تونس مرض قلت المرض تجهلونه

أونس بداخل مهجة القلب نيران
واسبابي اللي يوم جاء تطردونه

قالوا ترى عقلك بدا فيه نقصان
بنعالجك قلت إعملوا ما تبونه

جابو إسعاف وقالوا ودوه ظهران
يمكن مستشفى آرامكو يعالجونه

جاني الطبيب وقال وشفيك يافلان
قلت إنشد اللي مقصدي يفهمونه

قال لهلي معالجي فيه خسران
ما ظن أطباء المملكة ينفعونه

باين عليه إنه مولع وحيران
والحب بلوى للذي يفهمونه

قلت أشهدن قلبي يادكتور وجعان
ودواي أعرف الشوق داعج عيونه

قال إن كلامه حق ماهوب غلطان
هاتو وليفه إن كان بتساعدونه