روح له وبوس راسه .. قله هالبوسه مني
حايله تكفى بسياسه .. كلمه بشويش عني

قله مـا كان إمتعمد .. للخطا ما كان يقصد
يمكن النار تبرد .. وأعتذر منه بسلاسه

أنا ما أستغني عنه .. الله لا يحرمني منه
دنيتي وياه جنه .. هو ذهب عمري وماسه

أنا من غيره حياتي .. ضايع وما أعرف جهاتي
معه أحلى ذكرياتي .. يا عسى يسلم لي راسه

ودي لو تقعد إقباله .. إتفهمه إن حالي حاله
منيتي يكون لحاله .. تكفى ما هو بين ناسه

روح له ومزاجه رايق .. وضح بصدق الحقايق
وإني بالحيل إمتضايق .. ودنيتي هم وتعاسه