يقولون احبك موت كلمة مالها ( تفسير )



وانا اقول انها تحوي الاف المعاني

لها بخافقي حوالي عشره تعابير

الاوله شخص في بعاده دايم تعاني

والثانيه شخص تشوفه عن الكل غير

والثالثه تشوف انه اغلى واحلى الاماني ..

والرابعة تلقاه ساكن بكل التفاكير

والخامسه ماتقارن بغلاته حد(ن) ثاني

كنك تقارن حامل المسك بنافخ الكير

والسادسه تتسآل دوم وشلون ينساني

والسابعه ماودك من صوبه تجيك التقاصير

والثامنه لا ضاق صحت هونها عشاني

والتاسعه تهون لعيونه طول المشاوير

والعاشره غلاته تزيد كل يومـ(ن) وراء الثاني ..

هذا انا عطيتك كل المعاني والتفاسير

وهذا انا فسرت لك كل المعاني ..