هاك جرحي .. وأفتشه ..
وإكتـب بآلآمـه قصيـده ..
وأوزنه في رجف صدري وإرتعاشات الأماني ..

قم تمرحل بي ..
على ماتشتهي ..
من كـل جيـده ..
وأهدني من ظلم حرفك لجل ظلـمٍ مانسانـي ..

إكتب إن النفس عاشت وسط هالعالـم وحيـده ..
وإكتب إن الحظ الأقشر قبل ماأوعيبه وعانـي ..

وإكتب إن لصاحبك قلـبٍ تجاريحـك تزيـده ..
في غلاتك لين تبكي ظلمهـا عـوج المحانـي ..

وإكتب إن البعد عنّـك ..
ماعـرف إنّـه يفيـده ..
لين ضاق الكون فيـه ..
وملّتـه كـلّ المواني ..

وإكتب إنّه كان واهم ..
في رجاء لحظه سعيـده ..
وإنتهت لحظات عمره رغم مابه مـن تفانـي ..

ولاتعطّشـت الكتابـة ..
أسقهـا دمّ ووريــده ..
ونقّها في وسط جرحي ليـن تأتيـك المعانـي ..

ولاخلصت إنشر مأآسينـا بقصتـك الفريـده ..
وأمض في آخر حروفك بإسم :
تحطيم الأماني