ابكتب بك بيوت الشعر ما قالـه ابـن جـذلان
واببحر في طروق لأحمـد الناصـر يلاعبهـا

قصيد من غريب الشعر ما خطه ابـن قضعـان
ولا غناه أبو نوره على المسـرح وسـط ابهـا

قصيد ما يليق إلا لحسنـك يـا غصيـن ألبـان
يا غار الحسن من حسنـك تثنـى مـع هبايبهـا

ابغنـي طـوال الليـل ياليـل الـهـوى لا دان
وبسهر مع نجوم بالسمـاء يـا أغلـى حبايبهـا

أحبك حب أغلى من غلا وضحا لابن عجـلان
إلى منـه نـوى المـرواح عبراتـه تجاذبهـا

تعبت أطرد وراك أثرك سراب يتعب الضميـان
دروبك بالهوى عسـره كثيـر النـاس هايبهـا

أنا المغرم أنا الهايم انـا اللـى دايـم سهـران
يجيك النوم في ليلـك وانـا عينـي محاربهـا

أقلط لـك دلال مـن الغـلا واقـرب الفنجـان
وأقول اشرب فناجيل الدَلال ولا أنـت شاربهـا

كتبتك مـن ردى حـظ ٍ شقـي للهوى عنـوان
كتبتـك قصـة المغـرم انـا والشـوق كتبهـا

ترفق بي على هونك ترانـي بالأخيـر أنسـان
يزيد الحزن فـي صـدري وبعدهـا وأقربهـا

وصلك العلم... ما وصلك تراها يا الغصي سيان
مثـل مـا قلـت لـك أول باخربهـا باخربهـا

منقول لمنتدى بعد حيي الراقي