شي مُزعج


مو نصيبي ، رغم هذا أنطرگ !
دام إحساسك يحس إنّي نصيبگ

قلت لك : ما أبي أحب ، وأسهرگ
قلت لي : مهما حصل ماراح أسيبگ

و إفترقنا . . يـ الحبيب المُشترگ
داخلك قلبين ! ياعطفك ، و طيبگ

غبت عنّي فجأة ، وغاب إنظرگ
وجيت تالي تسأل شلونه حبيبگ !

تعتذر لي ! ع الغياب وأشكرگ
كنت أظن الشوق جمراته تجيبك

عيبي مافكّرت شنهو آآآخرگ
وإنتْ أدرى في بلاويّك وعيبگ

جيب قلبي إللي خذيته وأعذرگ
لا تحط قلوب خلق اللہ بـ جيبگ

إيه من طيبي إلى الحين أذكرگ
مامسكتك بس مو قادر أسيبگ !

شي مزعج . . لو شعورگ يجبرگ
في غرام إنسان تدري مو نصيبگ

ۆ تدري أكثر شي ممكن يقهرگ ؟
لما ياخذ شخص مايسوى حبيبگ !



صانع الگلممه |*,, أحمد الصآنع ❤❤